ചില ചോദ്യങ്ങൾ
മനസ്സിലുണ്ടോ?

നമ്മൾ ചെയ്യാൻ പോകുന്നതെല്ലാം അല്ലാഹുവിന് നേരത്തേ അറിയാമെന്ന് പറയുന്നു. അതേസമയം, മനുഷ്യന് തിരഞ്ഞെടുക്കാനും തീരുമാനങ്ങളെടുക്കാനും കഴിവുണ്ടെന്നും പറയുന്നു. രണ്ടും ഒരേസമയം എങ്ങനെ ശരിയാകും? പിന്നെ നമ്മുടെ പ്രവൃത്തികൾക്ക് നമ്മൾ ഉത്തരവാദികളാകുന്നത് എങ്ങനെയാണ്?

ഞങ്ങൾ ചെയ്യുന്ന പല കാര്യങ്ങളെയും ചിലർ ‘ശിർക്ക്’, ‘ബിദ്അത്ത്’ എന്നൊക്കെ പറഞ്ഞ് കുറ്റപ്പെടുത്തുന്നു. എന്നാൽ ഇതൊക്കെ ഞങ്ങൾ വർഷങ്ങളായി ചെയ്തുവരുന്നതല്ലേ? ശരിക്കും ഇതിൽ എന്താണ് തെറ്റ്? ആരാണ് ശരി പറയുന്നതെന്ന് തെളിവുകളോടെ എങ്ങനെ മനസ്സിലാക്കാം?

ശാരീരികമോ മാനസികമോ ആയ പ്രയാസങ്ങൾ വരുമ്പോൾ ആശ്വാസത്തിനായി പല ചികിത്സാരീതികളും നമ്മൾ തേടാറുണ്ട്. എന്നാൽ അവയിൽ ചിലത് പാടില്ലെന്ന് പലരും പറയുന്നു. അങ്ങനെ പറയാൻ തെളിവുകൾ വേണ്ടേ? ഏതൊക്കെയാണ് സ്വീകരിക്കാവുന്നതെന്ന് നമുക്ക് എങ്ങനെ തിരിച്ചറിയാം?

ജിന്ന് ബാധയുണ്ടെന്ന് ചിലർ പറയുന്നു. അങ്ങനെ പറയപ്പെടുന്ന പല അനുഭവങ്ങൾക്കും മറ്റു കാരണങ്ങളാണുള്ളതെന്ന് വേറെ ചിലർ പറയുന്നു. അപ്പോൾ നമ്മൾ എന്താണ് വിശ്വസിക്കേണ്ടത്? ഖുർആനും സുന്നത്തും യഥാർത്ഥത്തിൽ എന്താണ് പഠിപ്പിക്കുന്നത്?

ഞങ്ങൾ ഖബറുകളെയോ പുണ്യാത്മാക്കളെയോ ആരാധിക്കുന്നില്ല. അവരെ ബഹുമാനിക്കുകയും ഓർക്കുകയും അവരെ വസീലയാക്കി അല്ലാഹുവിനോട് ദുആ ചെയ്യുകയുമാണ് ചെയ്യുന്നത്. എന്നാൽ ഇതിനെയും ചിലർ വിമർശിക്കുന്നു. പുണ്യാത്മാക്കളെ ബഹുമാനിക്കുന്നതും അവരെ വസീലയാക്കുന്നതും ഖബർ ആരാധനയും തമ്മിലുള്ള വ്യത്യാസമെന്താണ്? ഇതിനെക്കുറിച്ച് ഖുർആനും സുന്നത്തും എന്താണ് പറയുന്നത്?